Monday, March 27, 2017

Suno...

Thodi see suneheri dhoop, saanwali see chhaanv ke saath bun lenaa...

Koi dikh jaye uss pe shatranj khelte huye, toh chunar banaa ke de denaa...
On the way back to their nests, waves of birds were painting the sky a shade darker with homesickness... And I wished that a home somewhere waited for me too... 

mujhe pehchaana????


kal main gaya tha...
wahi jaha hum kabhi khela karate the baarish me...
aajkal waha dhoop khela karati hai...

hamaari yaadon ke sukhe patte dab gaye hai kahi neeche......
mitti namm hai abhi bhi thodi si...
jaise ke mere pairon ko wo pehchaanti ho...

ghoomte ghoomte kisi kone me
humne dekhe kuch puraane se jootein...
kabhi humne chhode the apne peeche aur chale the nange pair...

aaj unki zaroorat to nahi hai mujhe...
pair kaafi lambe ho gaye hai...aur jootein chote...
par un nange pairo ka safar in jooto ke paas aakar ruk gaya ek pal ke liye...
jaise ke inhe pooch raha ho...
itane dino baad mil rahe hai...mujhe pehchaana????

Rank